«Фольклор сукмакларында»: уен-сәяхәт (6+)

27 июнь көнне Үзәк балалар китапханәсендә Халык сәнгате һәм халыкларның матди булмаган мәдәни мирасы елына багышланган «Фольклор сукмакларында» дигән уен-сәяхәт узды.  

Презентация ярдәмендә балалар Россиянең кәсепчелек белән танылган почмаклары буйлап сәяхәт кылды. Зур кызыксыну белән халык кәсепләре: хохлома бизәкләре, гжель керамикасы, Богородск уены, һәм шулай ук Дымков, Филимонов, Каргополь балчык уенчыклары турында сөйләгәнне тыңлады. Балалар бу әйберләрне кем ясавы, кәсепнең килеп чыгуы һәм бүгенге көннәргә кадәр саклануы турында белде. Шуннан соң балаларга кунакка күңелле Петрушка килде һәм аның белән бергә укучылар мәкальләрне белү буенча бәйгедә катнашты, тизәйткечләр әйтешүдә ярышты, бик теләп табышмаклар чиште, «Шалкан» әкиятен сәхнәләштерүдә актив катнашты.